الدردير يهاجم مترجم الأهلي بعد تجاهل حوار كولر

هاجم الناقد الرياضي عمرو الدردير مترجم النادي الأهلي بعد تجاهل ترجمة حوار كولر مدرب الفريق خلال المؤتمر الصحفي عقب مباراة أورلاندو بيراتس بالأمس.
وفاز أورلاندو بيراتس على الأهلي بنتيجة 2-1 في الجولة السادسة والأخيرة من دور المجموعات بدوري أبطال أفريقيا.
وقال الدردير عبر موقع “فيسبوك”:”لو مجلس الإدارة موصيك بعدم ترجمه الأمور الحساسة اللي كولر ممكن يخبط فيها بالمجلس فـ كان ممكن تعتذر بشياكة لان أنت عارف أنك هتكون في مؤتمر صحفي وكل حاجه متسجلة يعني الكلام لو انت مترجمتهوش في وقتها فـا العالم كله هيترجمه بعد دقيقة “.
وتابع:”تقدر تقولي شكلك ايه دلوقتي قدام الجمهور؟ بلاش الجمهور دا حتى المجلس هيشيلك الليلة بتاعت مهاجمة الجمهور للمجلس دي عشان أنت قولت المجلس هيزعلوا مني معنى كده انك كسفتهم وفضحتهم!! يعني ولا عرفت تخلع من الترجمة بدبلوماسية ولا ترجمت وكنت حريص على أداب المهنة، يعني انت خسرت الاتنين!!”.